Zentroko administrazioko, erizaintzako, familia-medikuntzako eta pediatriako profesional guztiek hartu dute parte testuen hautaketan eta horien erredakzioan, euren pazienteei kontsultara datozenean ematen dizkieten aholkuak jaso ondoren.
Mezu errazak dira, batzuk jakinak eta oro har praktikoak eta lagungarriak, geure osasuna hobeto zaindu dezagun eta osasun-sistemarekin harremanetan modu eraginkorragoan jar gaitezen. Euskaraz eta gaztelaniaz idatzita daude eta zentroaren kanpoalde zein barrualdetik ikus daitezke.
