• Euskaraz egin behar al diogu beti lehen hitza Harrerara etorri den pazienteari?
• Behin pazientearen lehentasuneko hizkuntza Osabiden erregistratuta, osasun-zentroan bakarrik izango al dute horren berri?
• Zein kasutan jarri behar dugu ikurra?
• Hizkuntza ofizial bakarra erabili ahal izango dugu izapide guztietan, langileak lehentasunezko hizkuntza hautatu badu?
• Euskarazko prestakuntza-saioetan parte hartzea sustatu behar al dugu, erakundeak ele bietan eskaintzen baditu?
Erdi-mailako arduradunei halakoxe zalantzak burura dakizkielako moldatu dute eskuliburua e Bidasoa, Tolosaldea, Donostialdea eta Goierri-Urola Garaia ESIetako eta Gipuzkoako Osasun Mentaleko Sareko hizkuntza-teknikariek, gorago aipatutako arduradunek (gainbegiraleek, unitateburuek, zentroburuek…) hizkuntza-normalkuntzaren prozesuan duten rol garrantzitsuaren jakitun.
Izan ere, honelaxe dio II Euskara Planak aurreko planaren ondorioak jasotzen dituen ataleko d) puntuan: Euskararen erabilera normalizatzeko prozesua ez da arrakastatsua izango Osakidetzako eta zerbitzu-erakundeetako zuzendaritza-taldeen konpromisorik, bulkadarik eta lidergorik gabe. Hortaz, behar-beharrezkoa da Planaren zeharkakotasuna ziurtatzeko neurriak hartzea, betiere erdi-mailako arduradunen eta unitateburuen parte-hartze eta inplikazioarekin, beraiek baitira bi hizkuntzak erabiltzeko jarraibideak euren zerbitzuetan transmititu eta eguneroko eginkizunetan txertatu behar dituztenak.
